সাপ্তাহিক “কৱচ” ৰ ঊনত্ৰিশ তম বৰ্ষপূৰ্তি অনুষ্ঠানত জীৱন জোৰা সাধনা বঁটাৰে সন্মানিত কৰা হল বিশিষ্ট কণ্ঠশিল্পী জে.পি.দাসক
অসম সাহিত্য সভাৰ প্ৰধান সম্পাদক দেৱজিৎ বৰাই উন্মোচন কৰিলে মুখপত্ৰ “কৱচৰ ভাখেৰী”
নিদিষ্ট বক্তা হিচাপে উপস্থিত আমাৰ অসমৰ কাৰ্য্যবাহী সম্পাদক গৌতম শৰ্মা ৷৷
ঘাট প্ৰতিঘাটেৰে সাপ্তাহিক বাতৰি কাকত কৱচে আজি ২৯ তম্ বৰ্ষ সম্পূৰ্ণ কৰিলে । আজি গুৱাহাটী প্ৰেছ ক্লাবত প্ৰভাতী অসম সংবাদ গোষ্ঠীৰ দ্বাৰা পৰিচালিত সাপ্তাহিক কৱচৰ সম্পাদনা উপদেষ্টা ধীৰাজ কুমাৰ দাসৰ সভাপতিত্যত এখন সভা অনুস্থিত হয় । কৱচ কাকতখনৰ সম্পাদক খনিন্দ্ৰ কলিতাই উদ্দেশ্য ব্যাখ্যা কৰাৰ পাছতে কৱচৰ সাংবাদিক বিজুমা বেগমে আঁতধৰে অনুষ্ঠানটোৰ ৷৷
আৰম্ভণিতে সাপ্তাহিক কৱচৰ প্ৰতিস্থাপক সম্পাদক প্ৰণতি বৰাই বন্তি প্ৰজ্বলনৰে কাৰ্যসূচীৰ শুভাৰম্ভ কৰে । আজি অনুষ্ঠিত বৰ্ষপুৰ্তি অনুষ্ঠানটোত সাপ্তাহিক কৱচ কাকতখনৰ বাৰ্ষিক মুখপত্ৰ ‘কৱচৰ ভাখেৰী’ প্ৰথম সংখ্যাটি উন্মোচন কৰা হয় ৷ কাকত খনৰ কাৰ্য্যবাহী কিশোৰ কুমাৰ কলিতা আৰু সহযোগী সম্পাদক সুনীল দাসৰ সম্পাদনাৰে প্ৰকাশিত মুখপত্ৰ “কৱচৰ ভাখেৰী” আনুষ্ঠানিকভাৱে উন্মোচন কৰে অসম সাহিত্য সভাৰ প্ৰধান সম্পাদক দেৱজিৎ বৰাই। মুখপত্ৰ কৱচ ভাখেৰী উন্মোচন কৰি অসম সাহিত্য সভাৰ প্ৰধান সম্পাদক দেৱজিৎ বৰাই কৱচ নামৰ কাকত খনত শক্তিশালী শব্দটো জড়িত হৈ আছে বুলি মতপোষণ কৰে । কৱচে কিমান ঘাট-প্ৰতিঘাটৰ পাৰ কৰি আজি ২৯ বছৰত ভৰি দিছে , কৱচৰ আৰৰ মানুহবোৰক জানিবলৈ মন যায় , আমি অসমীয়া ভাষা ক’ব পাৰো কিন্তু লিখিব নোৱাৰো , টান টান শব্দবোৰ আমি লিখিবলৈ টান পোৱা হৈছো , এই চিন্তা বোৰে আমাক সংকটত মাজলৈ ঠেলি দিয়ে বুলি কোৱাৰ লগতে অসমীয়া ভাষাৰ বিষয়ে বিশদভাৱে ভাষণ প্ৰসংগত উল্লেখ কৰে মুখপত্ৰ উন্মোচক দেৱজিৎ বৰাই । প্ৰভাতী অসম সংবাদ গোষ্ঠীৰ সঞ্চালিকা প্ৰণিতা কলিতাই অংশগ্ৰহণ কৰা সভাত মুখ্য অতিথি হিচাপে আমাৰ অসমৰ কাকত খনৰ কাৰ্যবাহী সম্পাদক গৌতম শৰ্মা উপস্থিত থাকি আজিৰ সমাজ ব্যৱস্থাত পাঠকৰ সংখ্যা হ্ৰাস হ’লেও ছপা মাধ্যমৰ গুৰুত্ব আছে আৰু ভৱিষ্যতে থাকি বুলি কয় , লগতে ১৯৮০ চনৰ পৰা দক্ষিণ কামৰূপকে ধৰি অসমৰ বিভিন্ন ঠাইত কাকত, আলোচনী জন্ম হৈছিল , জন্মলগ্নৰে পৰা কৱচে কেতিয়াও পক্ষপাতিত্ব ভাৱে বাতৰি পৰিবেশন কৰা নাছিল , সাংবাদিক হিচাপে মই কৱচলৈ গৌৰৱ অনুভৱ কৰিছো ৷ যিখন ৰাজ্যত অসমীয়া ভাষা ভালকৈ নাজানে তেতিয়া আমাৰ ভাষাৰ লগতে সৰু সৰু বাতৰি কাকত, আলোচনী সংকটৰ গৰাহত লগতে বৰ্তমান অসমৰ ৬০ শতাংশই শিক্ষকে বাতৰি কাকত নপঢ়ে আৰু কিছু সংখ্যক সাংবাদিকেও নিজে লিখা কাকতখন নপঢ়ে ই এক চিন্তনীয় বিষয় ৷ তেও কয় যে প্ৰাথমিক পৰ্যায়ত মাতৃভাষাতকৈ শ্ৰেষ্ঠ ভাষা নাই। অসমীয়া ভাষা লিখিব আৰু পঢ়িব নাজানিলে আমি ভাষাকলৈ সভা বা ভাষণত ক’লে নহ’ব। ভাষাকলৈ আমি সচেতন হ’ব লাগিব। আজিৰ এই অনুষ্ঠানটোত বিশিষ্ট শিল্পী জে.পি.দাসক জীৱন জোৰা সাধনা বঁটা প্ৰদান কৰাৰ বাবে কবচ গোষ্ঠীলৈ আন্তৰিক শুভেচ্ছা জ্ঞাপন কৰে। সভাত অসম জাতীয় পৰিষদৰ যুটীয়া সম্পাদক তথা বিশিষ্ট সমাজকৰ্মী পংকজ লোচন গোস্বামীয়ে কৱচ কাকত আৰু প্ৰভাতী সংবাদ গোষ্ঠীৰ বিষয়ে ভাষণ প্ৰদান কৰি এনে প্ৰচেষ্টাক ধন্যবাদ জ্ঞাপন কৰে। সভাত কাকতখনৰ এসময়ৰ স্বত্বাধিকাৰী তথা বৰ্তমানৰ সম্পাদনা উপদেষ্টা প্ৰকাশ বৰা আৰু স্বত্বাধিকাৰী প্ৰণিতা বৰাই উপস্থিত থাকি নিজৰ ভাষণ প্ৰসংগত কয় যে–১৯৯৬ চন বহু কষ্টৰ মাজেৰে এই কাকতখন আৰম্ভ কৰিছিলো। কাকতখনৰ আমাৰ আবেগ, অভিনুভূতি আদি জড়িত হৈ আছে। লগতে এই কাকতখন পৰিচালনাৰ ক্ষেত্ৰত সন্মুখীন হোৱা বিভিন্ন ঘাট-প্ৰতিঘাটৰ পুৰণি কথাবোৰ স্মৰণ কৰি নষ্টালজিক হৈ পৰে। লগতে বিদ্যালয় মহাবিদ্যালয় ছাত্ৰ-ছাত্ৰীসকলে বাতৰি কাকত পঢ়িব ইচ্ছা প্ৰকাশ নকৰে। ইয়াৰ আমাৰ ভাষা সংস্কৃতি ক্ষেত্ৰত বহুত অসুবিধা আহিব পাৰে। লগতে বৰ্তমান কাকতখন প্ৰকাশ কৰি অহা সম্পাদনাৰ আৰৰ পৰিয়ালটি ভূয়সী প্ৰশংসা কৰে। অনুষ্ঠানত বিশিষ্ট কণ্ঠশিল্পী জে.পি দাসক জীৱন যোৰা সাধনা বঁটা প্ৰদান কৰা হয়। বঁটাত আছে এখন ফুলাম গামোচা, চেলেং চাদৰ, জাপি, শৰাই, স্মাৰক আৰু মানপত্ৰ। বঁটা গ্ৰহণ কৰি জে.পি.দাসে কয় যে–জীৱন জোৰা সাধনা বঁটাৰ বাবে মই যোগ্য নহয় তথাপি মোৰ বাবে ই সদায় প্ৰেৰণা যোগাব। কিমান সাধনা কৰিছো নাজানোঁ বুলি এটি সুমুধুৰ গীতৰ কৰি গুণগুণাই উপস্থিত সকলোকে অভিভূত কৰে।অনুষ্ঠানত সাপ্তাহিক কৱচৰ কাকত খনৰ লেখনীৰে সমৃদ্ধ কৰা ৭ গৰাকী বৰ্ষ শ্ৰেষ্ঠ লেখক ক্ৰমে ড° বুলজিৎ বুঢ়াগোহাঁই, ড° ৰেৱন দেৱ শৰ্মা, নুৰুল ইছলাম, বিজুমা বেগম, বেনজিন চুলতানা, চিন্ময় ডেকা আৰু দেৱৰ্ষি গৌতমক এই সকলক কাকত গোষ্ঠী তৰফৰ একোখনকৈ ফুলাম গামোচা, শৰাই, জাপিৰে বিশেষভাৱে সম্বৰ্ধনা জনোৱা হয়। ঊনত্ৰিশ তম বৰ্ষপূৰ্তি অনুষ্ঠানত সম্বোধন জনোৱা হয় ক্ৰমে NSUI ৰাষ্ট্ৰীয়ৰ সম্পাদক বিকাশ নাথ যোগী , AJYCP ভগ্নী সংগঠন জাতীয় মহিলা পৰিষদৰ কেন্দ্ৰীয় সভানেত্ৰী বিনীতা কুমাৰ ,NK tv ৰ সাংবাদিক বিশ্বজিৎ দাস ,ND24 ৰ সাংবাদিক দুলন কলিতা , সাংবাদিক হিতেশ কলিতা , মাহেকীয়া আলোচনী অনুপম অঞ্জলীৰ সম্পাদিকা শেৱালি দাস কলিতা , প্ৰবক্তা অশোক কলিতা , জাতীয় সেনাৰ সভাপতি নয়নমণি শালৈ , শিৰষ দাস , মীনা মালী , সাংবাদিক খৰ্খেশ্বৰ দাস ,সাংবাদিক আহমদ আলী , সাংবাদিক মনসাগৰ ,সাংবাদিক উৎপল দাস ,সাংবাদিক ধৰ্মেন্দ্ৰ কলিতা , সাংবাদিক জয়ন্ত কলিতাকে ধৰি বহু কেইগৰাকী ব্যক্তিক
