স্নাতক চুড়ান্ত পৰীক্ষাত শীৰ্ষ ১০ টা স্থানত ঘগ্ৰাপাৰৰ ছাত্ৰ

স্নাতক চুড়ান্ত পৰীক্ষাত শীৰ্ষ ১০ টা স্থানত ঘগ্ৰাপাৰৰ ছাত্ৰ অষ্টম স্থান প্রাপ্ত কৌশিক কুমাৰ দাসক সম্বৰ্ধনা- শুভেচ্ছা অসম জাতীয়তাবাদী যুৱ- ছাত্র পৰিষদ, ঘগ্ৰাপাৰ আঞ্চলিক সমিতিৰগুৱাহাটী বিশ্ববিদ্যালয়ৰ সদ্য ঘোষিত স্নাতকৰ চুড়ান্ত পৰীক্ষাৰ ফলাফলত নলবাৰী মহাবিদ্যালয় ছাত্র এগৰাকীয়ে প্রথম দহটাৰ ভিতৰত অষ্টম স্থান দখল কৰিবলৈ সক্ষম হৈছে। জানিব পৰা মতে, নলবাৰী জিলাৰ ঘগ্ৰাপাৰ ৰাজহ চক্ৰৰ অন্তৰ্গত খৰ্গেশ্বৰ দাস আৰু সবিতা দাসৰ দ্বিতীয় পুত্ৰ, মেধা সম্পন্ন কৌশিক কুমাৰ দাসে গুৱাহাটী বিশ্ববিদ্যালয়ৰ সদ্য ঘোষিত স্নাতক চুড়ান্ত পৰীক্ষাৰ ফলাফলত প্ৰথম দহটাৰ ভিতৰত অষ্টম স্থান দখল কৰিবলৈ সক্ষম হৈছে | মেধাবী ছাত্রজনে প্রাণী বিজ্ঞান ( BSC zoology) বিষয়ত নলবাৰী মহাবিদ্যালয়ৰ লগতে জিলাখনলৈ গৌৰৱ কঢ়িয়াই আনিবলৈ সক্ষম হৈছে। ইতিমধ্যে ছাত্রগৰাকীৰ এই ফলাফলৰ পিছতে মহাবিদ্যালয় পৰিয়ালবৰ্গ বিভিন্ন
দল -সংগঠনে অভিনন্দন জ্ঞাপন কৰিছে। এই ছেগতে আজি অসম জাতীয়তাবাদী যুৱ – ছাত্র পৰিষদ , ঘগ্ৰাপাৰ আঞ্চলিক সমিতিৰ সভাপতি আতিকুৰ ৰহমানৰ লগতে বিষয়ববীয়াই ছাত্ৰজনৰ বাসগৃহত উপস্থিত হৈ সম্বধর্না জনাই | লগতে তেওঁৰ ভৱিষ্যত পদক্ষেপৰ বাবে শুভেচ্ছা জ্ঞাপন কৰে | মেধাবী ছাত্রগৰাকীৰ এই সাফল্যত পিতৃ-মাতৃৰ লগতে গাওবাসী উৎফুল্লিত হৈ পৰা পৰিলক্ষিত হৈছে