পলাশবাৰীৰ বৰদুৱাৰ বাগানত অসম প্ৰদেশ কংগ্ৰেছ কমিটীৰ সভাপতি গৌৰৱ গগৈ

পলাশবাৰীৰ বৰদুৱাৰ বাগানত ছেটেলাইট টাউনশ্বীপ বাতিলৰ দাবীৰে অনুষ্ঠিত সভাত অসম প্ৰদেশ কংগ্ৰেছৰ সভাপতি গৌৰৱ গগৈৰ জাৰাপাটাৰ সভাকক্ষ নিৰ্মাণৰ বাবে ৫ লাখ টকা ঘোষণা চৰকাৰী অন্যায়, অত্যাচাৰ,উচ্ছেদৰ দাবীত ৰাইজৰ গণ আন্দোলন অবিহনে গত্যন্তৰ নাই-গৌৰৱ গগৈ অৰ্থনৈতিক উন্নয়ন হ’ব লাগিলে গাঁৱৰ উন্নয়ন হ’ব লাগিব। অৰ্থনৈতিক পৰিৱৰ্তন লাগে। কিন্তু উচ্ছেদ কৰিব নালাগে। ৰাইজৰ ঘৰ ভঙা মানুহ শান্তিত জীয়াই থাকিব নোৱাৰে।চৰকাৰী অন্যায়, অত্যাচাৰ,উচ্ছেদ আদিৰ দাবীত ৰাইজৰ গণ আন্দোলনৰ বাহিৰে গত্যন্তৰ নাই–এনে মন্তব্য অসম প্ৰদেশ কংগ্ৰেছ কমিটিৰ সভাপতি তথা সাংসদ গৌৰৱ গগৈৰ। আজি বিয়লিৰ ভাগত পলাশবাৰী সমষ্টিৰ অন্তৰ্গত বৰদুৱাৰ বাগানৰ যন্তৰ-মন্তৰ খ্যাত জাৰাপাটা খেল পথাৰস্থিত জৰাজীৰ্ণ সভাকক্ষতে ছেটেলাইট টাউনশ্বীপ বাতিল আৰু ভূমি পট্টা প্ৰদানৰ দাবীৰে বৰদুৱাৰ বাগান ভূমি পট্টন দাবীৰ সমিতিৰ মুখ্য আহ্বায়ক গোবিন্দ ৰাভাৰ সভাপতিত্বত অনুষ্ঠিত সভাত অসম প্ৰদেশ কংগ্ৰেছ কমিটিৰ সভাপতি তথা লোকসভাৰ সাংসদ গৌৰৱ গগৈয়ে অংশগ্ৰহণ কৰি বিজেপি মিত্রজোঁট চৰকাৰৰ মুখ্যমন্ত্ৰী ড.হিমন্ত বিশ্ব শৰ্মাক চোকা ভাষাৰে সমালোচনা কৰে। তেওঁ কয়-মাটি ভেটি হেৰুওৱাৰ বাবে প্ৰতিবাদমুখৰ হোৱা অসমৰ প্ৰতিগৰাকী নাগৰিকৰ সৈতে কংগ্ৰেছৰ সদায় সহযোগীতা থাকিব।তেওঁ কয়-দক্ষিণ কামৰূপৰ বকোত কালি লোকসভা বিৰোধী দলৰ দলপতি ৰাহুল গান্ধীয়ে এক জন‌সভাত সম্বোধন কৰিছিল- য’ত উপস্থিত আছিল মল্লিকাৰ্জুন খাৰ্গে, গৌৰৱ গগৈসহ কংগ্ৰেছৰ বহু কেইগৰাকী নেতা। উক্ত সভাতে বৰ্তমানৰ শাসকীয় চৰকাৰৰ বিৰুদ্ধে বহু কেইটা মন্তব্য প্ৰকাশ কৰিছিল। আনহাতে লোকসভাৰ বিৰোধী দলৰ দলপতি ৰাহুল গান্ধীক সাক্ষাৎ কৰিছিল অসমৰ বিভিন্ন প্ৰান্তৰ সমস্যাৰে জৰ্জৰিত অঞ্চলৰ লোকে। সাক্ষাৎ কৰিছিল ভূমি সমস্যাৰে জৰ্জৰিত অঞ্চলৰ ৰাইজে। সেই আলোচনাৰমৰ্মে আজি বৰদুৱাৰ বাগানত অসম প্ৰদেশ কংগ্ৰেছ কমিটীৰ সভাপতি গৌৰৱ গগৈসহ এটি সজাতি দলে আজি উপস্থিত হয়। এয়াই নহয়,গোৱালপাৰাৰ পাইকানত চলা উচ্ছেদিত অঞ্চলকলৈও মন্তব্য কৰি দুখ প্ৰকাশ কৰে সভাপতি গগৈয়ে। ইতিমধ্যে উচ্ছেদিত লোকসকলৰ সৈতে যাতে কোনোৱে যোগাযোগ ৰক্ষা কৰিব নোৱাৰে তাৰ বাবে বিচ্ছিন্ন কৰা হৈছে যাতায়ত পথ। আনহাতে ৰাহুল গান্ধীয়ে কালিৰ জনসভাত মুখ্যমন্ত্ৰীৰ বিৰুদ্ধে দিয়া তীব্ৰ বাক্যবানৰ বিপৰীতে মুখ্যমন্ত্ৰীয়ে দিয়া মন্তব্য সন্দৰ্ভত পুনৰ গৌৰৱ গগৈয়ে কয় কালি ৰাহুল গান্ধীৰ অসম ভ্ৰমণকলৈ মুখ্য মন্ত্রীয়ে অধিক চিন্তিত হৈছে। যাৰবাবে তেওঁ এনেধৰণৰ মন্তব্য আগবঢ়ায় আছে।গৌৰৱ গগৈয়ে ভাষণ প্ৰসংগত কয় যে ১৫ বছৰ মুখ্যমন্ত্ৰী থকাৰ পিছতো প্ৰয়াত তৰুণ গগৈদেৱে মানুহৰ ওপৰত এনে ধৰণৰ উচ্ছেদ,অত্যাচাৰ কৰা নাছিল। বিজেপি চৰকাৰখনে ৰাভা,বড়ো,কাৰ্বি,মিছিং সকলৰ বাবে আজি কি কৰিলে বুলি চৰকাৰ খনক প্ৰশ্ন কৰে। তেওঁ কয়-চৰকাৰে যদি ৰাইজৰ সচা উন্নয়ন বিচাৰে তেতিয়াহলে বাগান বৰদুৱাৰৰ লগতে আন আন ঠাইৰ শিপিনী,গাহৰি পালক,গো পালকৰ বাবে উদ্যোগ গঢ়ি তোলক। সকলোৰে বাবে ভাল উদ্যোগ সৃষ্টি কৰক। ভূমিৰ অধিকাৰ কাঢ়ি,মাটি লুণ্ঠন কৰি,বসুন্ধৰাৰ জড়িয়তেই ৰাইজৰ ভূমিৰ অধিকাৰ কাঢ়ি লোৱাটো কোনো উন্নয়ন নহয়। তেওঁ কয় উচ্ছেদ এটি ৰাজনৈতিক ইচ্ছু। এই উচ্ছেদৰ জড়িয়তেই এদিন আমাৰ মাটিবোৰ আদানী,আম্বানীৰ হাতলৈ যাব। এইদৰে মাটিবোৰ ৰাইজৰ হাতৰ পৰা গৈ থাকিলে এদিন আমাৰ উঠি অহা প্ৰজন্মৰ বাবে একথাও ভূমি নাথাকিব বুলি মত পোষণ কৰে। আমাৰ মাটি কাঢ়ি চৰকাৰে ধনীৰ হাতত গতাই দি ছে। অৰ্থাত ধনীক ধনী কৰি আছে বিজেপি চৰকাৰে। তেওঁ বৰদুৱাৰ বাগানত ছেটেলাইট টাউনশ্বীপ আৰু কুলশী নদীত জলবিদ্যুত প্রকল্প স্থাপনৰ সিদ্ধান্ত বাতিলৰ বাবে ৰাইজৰ প্ৰতিবাদৰ লেখীয়া সদনত দাবী উত্থাপন কৰিব বুলি উল্লেখ কৰে। ৰাইজৰ মাটিতকৈ আৰু কি ডাঙৰ সমস্যা থাকিব পাৰে বুলি তেওঁ ভাষণত উল্লেখ কৰে। শেষত সাংবাদিকে সোধা প্ৰশ্নত মুখ্যমন্ত্ৰী ড.হিমন্ত বিশ্ব শৰ্মাই কৰা বহু কেলেংকাৰী,অন্যায়ৰ বাবে এদিন জেল যাব লাগিবই বুলি উল্লেখ কৰে। তেওঁ যিমানবোৰ অপকৰ্ম কৰি আছে ইয়াৰ বাবে ৰাইজে এদিন উচিত প্ৰত্যুত্তৰ দিব।বৰদুৱাৰ বাগানৰ প্ৰতিবাদ কৰা জাৰাপাটা খেলপথাৰৰ যন্তৰ মন্তৰ খ্যাত বুলি উল্লেখ কৰি এই জৰাজীৰ্ণ সভাকক্ষটোৰ কথা এই ৰাজহুৱা সভাতে ভূমি পট্টন দাবী সমিতিৰ উপদেষ্টা আদিত্য ৰাভাই সভাপতি গৌৰৱ গগৈৰ সন্মুখতে দুখ প্ৰকাশ কৰাত অসম প্ৰদেশ কংগ্ৰেছ কমিটীৰ সভাপতি গৌৰৱ গগৈয়ে তেওঁৰ সাংসদ পুঁজিৰ পৰা মেৰামতিৰ বাবে ৫ লাখ টকা ঘোষণা কৰে। আনফালে ভূমি পট্টন দাবী সমিতিয়ে তেওঁলোকৰ লক্ষ্য উদ্দেশ্য আৰু দাবীত বৰ্তমানেও অটল আছে বুলি উল্লেখ কৰে আদিত্য ৰাভাই।তেজ দি হলেও বৰদুৱাৰ বাগানত কোনো পধ্যেই চেটেলাইট টাউনশ্বীপ হ’বলৈ দিয়া নহ’ব চৰকাৰক সকিয়াই দিয়ে। আদিত্য ৰাভাই কয়-চৰকাৰে আদানী আম্বানীক মাটি দিয়াৰ নামত চাৰিওফালে উচ্ছেদ চলাইছে। আমি মৰি যাম মাটি নিদিম। ড.হিমন্ত বিশ্ব শৰ্মা মুখ্যমন্ত্ৰীয়ে ভগৱান নহয় বুলি কতাক্ষ কৰি তেওঁ যি কয় আমি মানি নলও বুলি হুংকাৰ দিয়ে। জন জাতীয় আবেষ্টনী ভাঙি বৰদুৱাৰ বাগান অঞ্চলৰ ১৫০০ একৰ ভূমি বিজেপি চৰকাৰে জি এম ডি এক গোটোৱা তথা বৰদুৱাৰ ভূমি পট্টা হীন ৰাইজৰ ভূমি উচ্ছেদ কৰি ছেটেলাইট টাউনশ্বিপ প্ৰকল্প স্থাপন কৰিবলৈ লোৱা সিদ্ধান্তৰ বিৰুদ্ধে
আগত সময়তো প্ৰতিবাদ কৰি যাব বুলি ৰাভাই উল্লেখ কৰে। এই সভাতে কংগ্ৰেছ নেত্ৰী মীৰা বৰঠাকুৰে অংশগ্ৰহণ কৰি ড.হিমন্ত বিশ্ব চৰকাৰে বাংলাদেশী বুলি কৈ মানুহৰ মাজত যি উচ্ছেদ চলাইছে এয়া এক অমানৱীয় বুলি উল্লেখ কৰে। ৰাইজৰ মাটি উচ্ছেদ কৰি আদানী আম্বানীক গটাই সেই টকাৰে তেওঁ শাসন কৰি যাব। অন্যথা ঋণত ডুবাই ৰখা বিজেপি চৰকাৰে কি ভাল কাম কৰিব পাৰে বুলি কতাক্ষ কৰে।এই সভাত লগতে কামৰূপ জিলা কংগ্ৰেছ কমিটিৰ সভাপতি প্ৰানজিৎ চৌধুৰী, কামৰূপ জিলা কংগ্ৰেছৰ সম্পাদক কিশোৰ দাস,পলাশবাৰী কংগ্ৰেছ নেতা বিপ্লৱ তালুকদাৰ, অসম প্ৰদেশ কংগ্ৰেছ কমিটিৰ সম্পাদিকা মুনুমী দত্ত,কংগ্ৰেছ নেতা উমা ৰাভা,কামৰূপ জিলা মহিলা কংগ্ৰেছ কমিটিৰ সভানেত্ৰী দীপালী তালুকদাৰ,প্ৰণৱ কলিতাকে ধৰি বহু সংখ্যক কংগ্ৰেছ নেতা-কৰ্মীয়ে উপস্থিত থাকে। এই সভাতে গৌৰৱ গগৈক বিভিন্ন ঠাইৰ পৰা অহা কংগ্ৰেছৰ নেতা কৰ্মীয়ে সম্বৰ্ধনা জনায়। লগতে বৰদুৱাৰ বাগান ভূমি পট্টন দাবী সমিতিয়ে কেইবাটাও দাবীৰে গৌৰৱ গগৈৰ হাতত এখন স্মাৰকপত্ৰ প্ৰদান কৰে।