পশ্চিম কামৰূপ বন সংমণ্ডলৰ অন্তৰ্গত লোহাৰঘাট বনাঞ্চলিক কাৰ্যালয়ৰ বিষয়া নয়ন জ্যোতি দাসৰ নেতৃত্বত এটা দলে ধাৰাবাহিক ভাৱে অভিযান চলাই পুনৰ জব্দ কৰে কাঠ ভৰ্তি এখন 407 মডেলৰ ট্ৰাক। নম্বৰ প্লেট বিহীন ট্ৰাকখনত আছিল প্ৰায় আঢ়ৈ লক্ষ টকাৰ কাঠ। অসম মেঘালয় সীমান্তবৰ্তী অঞ্চলৰ পাহাৰীয়া এলেকাৰ পৰা চোৰাং কাঠ সৰবৰাহকাৰীয়ে কাঠ খিনি লৈ গৈ থকা অৱস্থাতে বৰদুৱাৰ বাগানৰ ৰঙামাটিত জব্দ কৰে বাহন খন। বাহনৰ পৰা ড্ৰাইভাৰ পলাই যায় যদিও কাঠ ভৰ্তি বাহন খন সম্প্ৰতি লোহাৰঘাট বনাঞ্চলিক কাৰ্যালয়ত ৰখা হৈছে। জানিব পৰা মতে জব্দকৃত কাঠখিনিৰ বজাৰ মূল্য প্ৰায় আঢ়ৈ লাখ টকা হ’ব বুলি ধাৰণা কৰা হৈছে। উল্লেখ্য যে দুদিন পূৰ্বে AS01DD1662 নম্বৰৰ ডি আই কাঠসহ জব্দ কৰিবলৈ সক্ষম হৈছিল ।
